პასკა

საჭირო ინგრედიენტები:
500 მლ. რძე
5 კვერცხი
2 ჭიქა შაქარი
200 გრ კარაქი
1 კგ. ფქვილი
200 გრ. ქიშმიში
1ჩ.კ დროჟი
სანელებლები: მუსკატის კაკალი, ილი, ვანილი, ლიმონის ცედრა (კანი), ცუკატები გემოვნებით.

მომზადების წესი:
1. თბილი რძე, დროჟი, მარილი შეურიოთ 1-2 ჭიქა ფქვილი, რომ ერთიანი თხელი

მასა გახდეს. დავდგამთ თბილ ადგილას და 1 საათი გავაჩერებთ რომ საფუარი ამოვიდეს.
2. ცალკე ჯამში ჩავყაროთ შაქარი და კვერცხი, გავთქვიფოთ მსუბუქად (გოგლიმოგლივით გათეთრება არ არის საჭირო) დავუმატოთ ვანილი და სანელებლები.
3. კვერცხის და შაქრის ნარევი ჩავასხათ წინასწარ მომზადებულ და ამოსულ საფუარში. მოურიოთ, დავამატოთ დარჩენილი ფქვილი, კარგად მოვცომოთ ხელით ან მიქსერით (სპეციალური ცომის ჩხირებით). შესქელებულ მასას დავასხათ გამდნარი და გაგრილებული კარაქი ასევე წინასწარ გარეცხილი ქიშმიში და ცუკატები. განვარგძოთ ცომის ზელვა. როცა მივიღებთ ერთიან მასას და ხელზე აღარ მოგვეკრობა ცომი დავდგათ თბილ ადგილას.
თავზე დავახუროთ, რომ ცომი არ გამოშრეს და არ გაცივდეს.
1-2 საათი. ოთახის ტემპერატურა სასურველია იყოს 25გრადუსი.
4. ამოსული ცომი გავანაწილოთ, გავაკეთოთ პატარა გუნდები და ჩავდოთ ცხიმწასმულ და ძირზე ქაღალდ დაფენილ ფორმებში. ისევ გავაჩეროთ ცომი მხოლოდ ახლა უკვე ფორმაში, 1საათით.
ამოსული ცომი მზად არის გამოსაცხობად. გადაუსვათ თავზე კვერცხის ნარევი ბზინვარებისთვის. გნებავთ თავზე მოაყარეთ ფერადი შაქრები, ან ნოგოზი.
შედგით გამოსაცხობად დაბალ ცეცხლზე, 100 გრადუსზე და ვაცხობთ 40 წუთი.5. გამომცხვარი პასკა ფრთხილად გადმოვიღოთ ფორმიდან. რომ გაცივდება მოაყარეთ შაქრის პუდრი ან დაასხით თეთრი ან ფერადი მინანქარი. გააფორმეთ მარციპანით თქვენი გემოვნებით.

 

რჩევა:
*ყველა ინგრედიენტი უნდა იყოს ოთახის ტემპერატურის.
* თავზე წასასმელ კვერცხის გულს დაუმატეთ 1ს.კოვზი წყალი, 1ჩ.კ. ზეთი და მწიკვი შაქარი.
* ფორმად შეგიძლიათ გამოიყენოთ რკინის რძის ყუთები.
დალი დვალის რეცეპტებიდან






Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>